Dani Slovenske pismenosti obilježeni u Jermeniji

27.05.2008. god.

JEREVAN, 26. maj 2008.g. - Na Erevanskom državnom univerzitetu Brjusova u subotu su praznovani Dani slovenske pismenosti i kulture.

"Taj praznik se kod nas obilježava više od deset godina. Naš univerzitet uvijek je bio odan tom slovenskom prazniku", kazao je za agenciju "Novosti-Jermenija" Levon Markosjan sa katedre za ruski jezik.

Studenti su u narodnim nošnjama izvodili pjesme na slovenskim jezicima, kazivali istoriju stvaranja slovenske pismenosti i razvoja slovenskih jezika.

"Studenti sa zadovoljstvom pjevaju, recituju stihove. Mi znamo da put do kulture leži u jeziku i na taj način shvatamo jezik i kulturu naših bratskih slovenskih naroda", kazao je Markosjan.

On je saopštio da je njihov Univerzitet otvorio konkurs za najbolji prevod s poljskog i češkog jezika, čiji će rezultati biti objavljeni tokom nedjelje.

Na svečanost su bili pozvani predstavnici ambasada slovenskih zemalja u Jermeniji.